വിശപ്പിന്റെ മാഹാത്മ്യം
നാട്ടില് പലചരക്ക് കച്ചവടം നടത്തുന്ന സമയം.
കട തുറക്കാന് പോകുന്ന വഴിയരികെ ഒരു തോടുണ്ട്.
ദിവസവും രാവിലെ ഈ തോട്ടില് ചൂണ്ടയിട്ടു മീന് പിടിക്കുന്ന
ഒരു പയ്യന് ഉണ്ട്. പേര് സതീഷ്. സ്കൂളില് ചെര്ത്തിയുട്ടുണ്ട്.
മിക്കവാറും സ്കൂളില് പോകാറില്ല . കാരണം അവനു ചെറിയ
പ്രായത്തില് ഉള്ള ഒരു അനുജത്തിയുണ്ട്. അമ്മ രാവിലെ ഈ
കുഞ്ഞിനെ ഇവന്റെ കയ്യില് ഏല്പ്പിച്ചു വല്ല കൂലി പണിക്കും
പോകും . പിന്നെ കുഞ്ഞിനേ നോക്കണം , അമ്മ വരുമ്പഴേക്കും ഭക്ഷണം ഉണ്ടാക്കണം അങ്ങനെ പല ജോലികളും ഉണ്ട് അവനു.
അവനു അച്ചന് ഉണ്ട് ഒരു പേരിനു . പുള്ളി രാവിലെ എണീറ്റ്
പണിക്കു പോകും വൈകുന്നേരം കിട്ടിയ കാശിനു മൂക്കറ്റം
കുടിച്ചു വരും എന്നിട്ട് കെട്ട്യോളുമായി വഴക്കിട്ടു അടിപിടി
കൂടും.
ഒരു ദിവസം ഈ പയ്യന് കുട്ടിയേം ഒക്കത്ത് വെച്ച് എന്റെ
കടയിലേക്ക് രാവിലെ പിടിച്ച മീന് ഒരു വള്ളിയില് കോര്ത്ത്
കൊണ്ട് വന്നു. എന്നിട്ട് ഒന്നും മിണ്ടാതെ ഒരു സൈഡില്
നില്ക്കുകയാണ്.
ഡാ ചെക്കാ അമ്മ വരുമ്പോഴേക്കും മീന് കൊണ്ട് പോയ് വല്ല
കറിയും ഉണ്ടാക്ക് . ഞാന് അവനോടു പറഞ്ഞു.
അതിനു അവന് മറുപടി പറയാതെ നിന്നു.
ഞാന് വീണ്ടും ഇത് തന്നെ ആവര്ത്തിച്ചപ്പോള് അവന് എന്നോട്
പറഞ്ഞു ഇക്കാ ഈ മീനെടുത്ത് എനിക്ക് കൊറച്ചു അരി തെരുമോ ?
ഈ ചോദ്യം എന്റെ മനസ്സിനെ വല്ലാതെ വേദനിപ്പിച്ചു.
കാരണം ഞാന് വിചാരിച്ചിരുന്നത് ഈ പയ്യന് പിടിക്കുന്ന മീന്
ഇവന് കൊണ്ട് പോയ് കറി വെക്കാന് ആണെന്നാണ് .
പക്ഷെ അല്ലെന്നു ഇവന്റെ ഇന്നത്തെ ഈ വില്പനയില് നിന്നും
എനിക്ക് മനസിലായി. ഇത് കേട്ടപ്പോ ഞാന് മീന് വാങ്ങി അവനു ആവശ്യമുള്ള അരി കൊടുത്ത് വിട്ടു .
മീന് പിടിച്ചു കൊണ്ട് പോയി കൂട്ടാന് വെക്കാന് ആഗ്രഹമില്ലാഞ്ഞിട്ടല്ല ചോറ് ഉണ്ടെങ്കിലല്ലേ കൂട്ടാന് കൊണ്ട് കാര്യമുള്ളൂ ..
ഇത് പോലത്തെ കുരുന്നുകള് നമ്മുടെ നാട്ടില് അനവധിയുണ്ട് .
ഒരു പക്ഷെ ഈ താഴെ കാണുന്ന ഫോട്ടോ യിലെ പയ്യനും
ഒരു നേരത്തെ ആഹാരത്തിനു വേണ്ടിയുള്ള കാത്തു നില്പ്പാവും ല്ലേ...
നാം വിചാരിക്കും പോലെയോന്നുമാവില്ല കാര്യങ്ങള് നാം കാണുന്നതും മനസ്സിലാക്കുന്നതും ആയിരിക്കില്ല ഒരു പക്ഷെ സത്യം . അത് കൊണ്ട്
കാര്യം അറിയാതെ ആരെക്കുറിച്ചും ഒരു മുന്ധാരണ വെക്കാതിരിക്കുക ...
================================================================
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ