മരം ഒരു വരം 

"സ്വര്‍ണ്ണം കായ്ക്കുന്ന മരമാണേലും 

ശരി വീട്ടിലേക്ക് ചാഞ്ഞാല്‍"

കഴിഞ്ഞ മാസം തൃശ്ശൂരില്‍ നടന്ന ഒരു വടംവലി

മത്സരം കണ്ടു വരുമ്പോള്‍ ...

വഴിയരികിലെല്ലാം ഞെട്ടിപ്പിക്കുന്ന ഒരു കാഴ്ച കാണാനിടയായി.

തലേന്ന് ഉണ്ടായ ശക്തമായ കാറ്റിലും,

മഴയിലും മിക്ക മരങ്ങളും കടപുഴകി വീണു കിടക്കുന്ന 

ദയനീയ രംഗം.വീടുകള്‍, ഇലക്ട്രിക് പോസ്റ്റുകള്‍, കടകള്‍ 

അങ്ങിനെ ഒത്തിരിനാശനഷ്ട്ടങ്ങള്‍ ...

ഈ കാഴ്ച്ച കണ്ട ആരും തന്നെ വീടിന് മുകളിലേക്ക് വളര്‍ന്നു

നില്‍ക്കുന്ന ഒരു മരവും വെച്ചേക്കില്ല. അത്രക്കും ദയനീയമായ

കാഴ്ചയായിരുന്നു വഴിയരികിലെല്ലാം.

ഇതെല്ലാം കണ്ടു പോകുമ്പോഴും മനസ്സില്‍ ഒരു പ്രാര്‍ഥനയെ

ഉണ്ടായിരുന്നുള്ളൂ. വീടിനടുത്തൊന്നും ഈ കാറ്റും ,മഴയും

ഇല്ലാതിരുന്നാല്‍ മതിയായിരുന്നു. കാരണം എന്റെ വീടിന്

മുമ്പില്‍  തന്നെ ചെറിയ ഒരു മരമുണ്ട്. പൂവും ,

കായൊന്നുമില്ലാത്ത വിറകിന് മാത്രം ഉപകാരപ്പെടുന്ന ഒരു മരം.

വീട്ടിലേക്കു പോകുന്ന ഇലക്ട്രിസിറ്റി ലൈനിന്റെ തൊട്ടടുത്താണ്

ഈ മരം സ്ഥിതി ചെയ്യുന്നത്. ചെറിയ ഒരു കാറ്റടിച്ചാല്‍ പോലും

ഈ മരം ഈ ലൈനില്‍ തട്ടുന്നത് പലപ്പോഴും ഞാന്‍ കണ്ടിട്ടുണ്ട്.

വീട്ടില്‍ വന്നു കേറിയ ആദ്യം തന്നെ 

ഈ മരം മുറിക്കുവാന്‍ തീരുമാനിച്ചു. 

ഒന്നിന് പകരം രണ്ടെണ്ണം വെച്ച് പിടിപ്പിക്കുവാനും...